اعتقد انه من الاسفاف والاجحاف وحسن الشفاف وكل ماينتهى ب اف ان اصف نفسى بأننى كاتب واعمل زى الناس الواطية ما بتعمل وتقول على نفسها كتاب وهم لا علاقة لهم بالكتب والكتابة....هيهات انا اوطى منهم ولن انجرف وأضع نفسى تحت طائلة مسمى الكاتب وذلك لعدة اسباب اولها:
ان شخصية الكاتب مكروهة عند معظم الناس محدش بيحبهم ومعندهمش كاريزما اللهم الا بعض الكتاب وانا محبش ابقى مكروه.
ثانيا:انا على جهل تام بقواعد اللغة العربية وقواعد الكتابة الصحيحة لكننى اتحدث العامية بطلاقة.
ثالثا:اللى يقول على نفسه كاتب ده لازم يمارس الكتابة باستمرار وانا مفيش اكسل منى فى الحياة(انا نفسى امارس حاجة تانية باستمرار)
رابعا:انا لا امتلك اساليب الكتابة الجيدة ولا الثقافة الواسعة التى تمكنى من الكتابة بحرفية ولا حتى كهاوى.
خامسا: مفيش خامسا خلاص كده.
سادسا:مانا قلت مفيش خامسا حيبقى فيه سادسا ازاى.
سابعا:ههههه بوخت انا كده صح.
المهم انا منتظر سؤال غبى من شخص حيوان....
انت بتكتب بلوج ليه؟
انظر البوست بنفس هذا العنوان...وبعدين
انا مش بكتب....انا بتكلم كلام مكتوب
هناك تعليق واحد:
عملتلك لينك من البلوجر بتاعي يا دكتور ... لو ميضايقكش ...
Good luck
إرسال تعليق