سر السعادة 1

سر السعادة
#1
ن-خ

لقطة واسعة لاحدى الشوارع المزدحمة بالناس

صوت الراوى
-السعادة-
-ياترى فى كام واحد مبسوط فى الناس ديه؟-
-طيب اللى مبسوط فيهم مبسوط على طول؟-
-ايه شكل السعادة عند الناس؟-

------------------------------------------------------------------------------------
#2
فوتومونتاج

صوت الراوى
-كده-
رجل يمسك فلوس ومنهمك فى عدها
صوت الراوى
- ولا كده-

رجل يأكل بشراهة
صوت الراوى
-يمكن كده-

شاب يلعب بايسبس باحد الدمبلز
صوت الراوى
- او كده-
شباب يشربون المخدرات ويبدو عليهم النشوة
صوت الراوى
-هكذا-
رجل يصلى
صوت الراوى
-او كده-

شاب وفتاة بيحبوا فى بعض
صوت الراوى
-او كده-

طالب يذاكر
صوت الراوى
-الله على كده-

فتاة ترقص على احدى الاغنيات
صوت الراوى
-مش ضرورى كده-

شاب يمارس العادة السرية
------------------------------------------------------------------------------------
#3
فوتومونتاج

رمزى يستيقظ من النوم
صوت رمزى
-انا بنام ليه؟-
سمير يستيقظ من النوم
صوت سمير
-علشان اصحى-
سيد يستيقظ من النوم
صوت سيد
-وبصحى ليه-
صوت الراوى
-اكيد علشان يرجعوا يناموا تانى-
------------------------------------------------------------------------------------
#4
ل-خ

رمزى وسيد وسمير يجلسون فى احدى المقاهى
رمزى
(يشرب الشيشة)
-طيب وبعدين انا زهقت مفيش حل؟-
-انا عايز ابقى مبسوط-
سيد
(ينظر لرمزى بسخرية)
-تتبسط...انت لسه فاكر انسى بقى-
سمير
-ينسى ليه....ليه يعنى منتبسطش حرام-
-يعنى انا لو معايا واحدة احبها وتحبنى حبقى اسعد انسان فى الدنيا-
-ايه صعبة ديه....مش مكتوبلى احب-
رمزى
-يابنى حب ايه بس انت لاقى تاكل-
-وبعدين الحب فى اوله بس حلو بعدين بيبقى قرف-
-السعادة بجد فى الفلوس-
-تشتغل اى حاجه وتكسب فلوس تجيبلك اللى انت عايزه وتبقى اسعد واحد فى الدنيا-
-ايه صعبة ديه.....مش مكتوبلى اشتغل واعمل فلوس-
سيد
-ياعم انا مش عايز دنيا اصل اللى انتوا مش فاهمينه ان الدنيا ديه فانية-
-انا نفسى ربنا يكرمنى فى اخرتى-
-طظ بقى فى دنيتى وفى الحب وفى الفلوس-
-السعادة بجد مش هنا السعادة هناك-

يصمت الثلاثة للحظات وهم يشربون الشيشة

رمزى
-طيب ايه رأيكوا بدل ماحنا بنتكلم وخلاص-
- نعمل حاجة نجرب اللى احنا بنقول عليه ده ونشوف-
سمير
-اه ونتقابل هنا بعد اسبوع نشوف كل واحد فينا عمل ايه-
سيد
-خلاص معادنا بعد اسبوع.....الحساب يابنى-

------------------------------------------------------------------------------------
#5
ل-خ

شاشة كتب عليها وبعد اسبوع

صوت الراوى
-وبعد اسبوع-
رمزى وسمير يجلسون على القهوة وسيد يدخل عليهم مرتديا جلباب وبنطال قصير ومطلقا لحيته

سمير
-اهو شيخ سيد وصل اهو-
سيد
(بضيق)
-ياجماعة وايه لازمتها القهوة وقعدتها....كده حرام_
رمزى
-ياعم ارحمنا قعد المرة ديه ومتبقاش تقعد تانى وبعدين انت دقنك مكبرتش اوى يعنى مسموحلك لسه تقعد على القهوة مرة كمان-
سيد
-هزر فى الدين كمان يا عم رمزى-
سمير
-ياجدعان سيبكم من الكلام ده كل واحد يلا يحكى عمل ايه الاسبوع اللى فات-

يأتى صبى المقهى ليأخذ الطلبات
رمزى
-اطلبوا براحتكم يا جماعة الحساب عندى النهاردة-
سمير
-ياسيدى ياسيدى شكلها لعبت-
الصبى
-تشربوا ايه؟-
سيد
-جنزبيل ومفيش شيش حتنزل-
الصبى
-والاساتذة هنا-
رمزى
-2 حاجة ساقعة يابنى وابقى هات الشيش اما يقوم عم الشيخ-
سيد
-ربنا يهديك-
سمير
-يا جماعة قولنا فكوكوا من الهبل ده-
-هه احكلنا عملت ايه يارمزى-