دربكة

دربكة....

كأنك وسط زحمة ناس كتير بتجرى وانت وسطها مش قادر تقف ولو وقفت حتتفرم....مش قادر تاخد نفسك...تاخد وقتك....تفكر.

انت فين دلوقتى؟

كنت فين قبل كده؟

حتوصل لفين بعدين؟

انت مين؟

تعرف نفسك؟

تعرفها كويس...طيب عارف انت عايز ايه؟

طيب عايزه ليه؟

ولا انت بتجرى مع الناس زحمتهم بتاخدك بتبقى واحد منهم....زيهم.

طيب حنوقف المشهد...انت الحاجه الوحيدة اللى بتتحرك جواه...برا الكادر شايفه كله...شايف نفسك......مين ده؟

تعرفه.....تعرفه كويس...صحيه...كلمه...صاحبه....انصحه....قله الناس وقفت مفيش زحمة...مفيش فرم...خده على جنب وخليه ياخد نفسه ياخد وقته ويفكر.

انا مين....بجد مين؟

ومكانى فين دلوقتى؟

وكنت فين قبل كده؟

وحوصل لفين بعدين؟

انا عايز ايه؟

عايزه ليه؟